Ұлы өнерпаз
№16 қалалық кітапханада «Бөбек» жазғы тынығу лагерінің оқушыларымен Кенен Әзірбаевтың 135 жылдығына орай «Ұлы өнерпаз» атты ауызша журнал өткізілді. Қазақ халқының айтулы ақыны, дүлдүл әншісі, композитор, Қазақстанның еңбек сіңірген өнер қайраткері Кенен Әзірбаевтың - қазақ өнеріндегі сал – серілік және айтыскерлік дәстүрлерді үзбей, XX ғасырдың 70 – жылдарына дейін жеткізген өнерпаз екендігі өмірбаяны, ақындығы ауызша журнал беттерінде оқырмандарға ашылып көрсетілді. «Бозторғай», «Көкшолақ», «Бұлбұл», «Қырғызбай» дастандары бейне таспа арқылы тыңдатылып, ақын шығармашылығымен кеңінен насихатталды.
