Жүректегі жазулар
№8 кітапхана қазақ поэзиясының көрнекті өкілі, Мемлекеттік сыйлықтың лауреаты, ақын Тұманбай Молдағалиевтың туғанына 90 жыл толуына орай «Жүректегі жазулар» атты поэзия кешін Бәйтерек мектебінің оқушылары мен мұғалімі Р.Танабаеваның қатысуымен өткізді.
Шараның мақсаты – ақын жырларындағы отаншылдық сезімнің биіктігін, адалдық, парасаттылыққа, өнегелі өмір өткелдерін жас жеткіншектерге үлгі етіп, ақын жырларына қызығушылығын арттыру.
Шара барысында ақынның өмірі мен шығармаларын оқырмандарға таныстыра отырып, өмірге өлең көзімен қарап, Алтайдың сұлу табиғаты құшағында өскен әсемдікке, сұлулыққа табынып, туған жеріне деген адамдық болмысымен, салмақты ой тастай білген ақынның «Арман мен Бота» атты өлең жинағынан сәбилік сәтті қадам басқан өлеңдерін жатқа оқыды.
