Әдептілік – тәрбие бастауы
№11 кітапханада «Әдептілік – тәрбие бастауы» атты әңгіме болып өтті. Шараға №215 мектептің 5 сынып оқушылары және мектеп кітапханашысы Гүлжан Малкенова қатысты.
Шараның мақсаты - жақсы мінез-құлық, өзара сыйластық туралы түсінік беру. Оқушыларды әдептілікке, кішіпейілділікке тәрбиелеу.
Шара барысында оқушыларға әдептіліктің басты белгілері мен қағидалары жайында түсінік берілді. Адам басшысы - ақыл, жетекшісі - талап, қорғаны - сабыр, қорғайтын қорғаушысы - мінез осының бәрін тәртіпке келтіріп реттейтін - әдептілік. Әдептілік – адам бойында бірнеше жылдардың, қоршаған ортаның, үйдегі жақсы тәрбиенің жемісі.
Шара аяғында әдептілік жайлы нақыл сөздердің жалғасын тап ойыны ойналды.
