Қазақстаным – қарашаңырағым
Қызылорда қалалық орталықтандырылған кітапхана жүйесіне қарасты №12 кітапхана «Аманат school» мектебіне барып Қазақстан Жазушылар Одағының мүшесі, жергілікті ақын Балашбек Шағырұлының туғанына 85 жыл толуына орай «Қазақстаным – қарашаңырағым» атты поэзия сағатын ұйымдастырды.
Іс-шара барысында ақынның туған жерге, елге деген сүйіспеншілікпен жазылған өлеңдері оқылып, шығармаларынан үзінділер тыңдалды. Оқушылар мен кітапхана оқырмандары ақынға арналған арнау өлеңдерін оқыды. Сонымен қатар, «Балашбек Шағырұлы – туған ел жыршысы» атты кітап көрмесі ұйымдастырылып, библиографиялық шолу жасалды.Поэзия сағатына «Аманат school» мектебінің 4 «а» сынып оқушылары мен ұстаздары қатысты.
Шараның мақсаты – ақынның өмір жолын, шығармашылығын насихаттап, оқырмандарды туған жерді сүюге, патриоттыққа тәрбиелеу, әдебиетке деген қызығушылықтарын арттыру.
