№8 кітапханаға саяхат
Бүгін Бәйтерек мектебінің 2 сынып оқушылары сынып жетекшілерімен бірге №8 кітапханаға саяхат жасады.
Шараның мақсаты - оқушыларды кітапхана қорымен таныстыру, үлгі-өнеге беретін ақылшы дос, білім көзі, рухани қазына кітап әлеміне шолу жасап, көркем әдебиет оқуға тәрбиелеу, кітапқа деген қызығушылығын арттыру.
Шара барысында кітапханашы оқушыларға кітапхана туралы ақпарат бере отырып, балаларды қызықтыра түсетін «Қиял-ғажайып ертегілер», «Мақал-мәтелдер», «Жұмбақтар әлемі», «Батырлар жыры» атты кітаптарды ұсынды. Сондай-ақ «Су перісі» атты ертегіні дауыстап оқып берді.
