Тәуелсіз ел ұланымын
№18 кітапханада ҚР Тәуелсіздігіне 35 жыл толуына орай «Тәуелсіз ел ұланымын» атты библиографиялық шолу №197 мектептің 7 сынып оқушыларының қатысуымен болып өтті.
Шараның мақсаты - еліміздің Тәуелсіздік алғаннан кейінгі жылдардағы даму тарихына шолу жасап, тәуелсіз ел ұландарын мемлекетіміздің дамуына үлес қосуға, Отанын сүюге, салауатты өмір салтын ұстанып, білім-ғылым игеруге шақыру.
Шара барысында тақырыпқа сай көрме ұйымдастырылып, тарихшы - ғалым Бейбіт Қойшыбаевтың «Тәуелсіздік тамырлары» атты тарихи танымдық бес бөлімнен тұратын жинағы және жазушы Гүлзат Шойбекованың «Тұғырыл - ханның Көк туы» атты шығармасы қойылып, жас ұрпаққа еліміздің тарихындағы маңызды оқиғалар мен ірі тұлғалардың қызметтері таныстырылды. Сонымен қатар публицист-журналист Қуат Бораштың «Өз елім–өркениетім» кітабы жас ұрпақты ата-мекенді ардақтауға, тәуелсіздік жылдарындағы ұлттық сананың жаңғыру үдерісін насихаттауға арқау болды. Шараға қатысушы жас ұрпақ ел тарихынан мол мағлұмат алды.
