Кітапхана күн шуағы білімнің
№13 кітапханада «Кітапхана күн шуағы білімнің» атты библиосаяхат күні өтті. Ә.Тыныбаев атындағы №11 мектеп-лицейінің 3 «Е», 4 «Б» сынып оқушыларымен кітапхана меңгерушісі Алмира Мажитқызы, кітапханашы Бақтыгүл Жалмағабетқызы, бастауыш сынып жетекшісі Гүлшат Аронрашитқызы, Жанар Мұхамбетамин қатысты.
Мақсаты – жас буын оқырмандарға туған елдің тарихы мен мәдениетін, білімі мен рухани байлығын насихаттап, кітапқа деген қызығушылығын арттыру.
Кітапханаға саяхат жасаған оқушылар қазақ, орыс, шетел шығармалары, балаларға арналған энциклопедиялар, ертегі кітаптармен танысып, кітапхана жайлы көптеген мағлұмат алды.
