Арыстан жүрек, асыл ер
№16 кітапхана Жанқожа батыр бастаған көтерілістің 170 жылдығына орай «Арыстан жүрек, асыл ер» атты тағылым сағатын өтті. Шараға «Қызмет көрсету және сервис» колледжінің студенттері және тарих пәнінің оқытушысы Ф.Нұрымбетова қатысты.
Шара барысында жастайынан әділдігімен, батырлығымен елге танымал болған, Сыр бойы қазақтарының Хиуа, Қоқан хандықтарының езгісіне және Ресей отаршылдарына қарсы ұлт-азаттық көтерілісін бастаған Жанқожа батырдың өмір жолы, шыққан тегі, қайсар батыл мінезі, теңдессіз ерлігі мен күрескерлігі жайлы бейнеролик көрсетіліп, тарих пәнінің оқытушысы Ф.Нұрымбетова баяндады. Сонымен қатар кітапхана қорындағы Жанқожа батыр туралы жазылған жыр-дастантар, тарихи аңыздар таныстырылды.
Шараның мақсаты - Жанқожа батыр туралы мәлімет бере отырып, отансүйгіштікке, патриоттыққа шақыру.
