Әр - өлеңі – бір әлем
№14 кітапхана қазақ халқының даңқты ақыны, аудармашы, драматург, Қазақстанның Мемлекеттік сыйлығының лауреаты Мұқағали Мақатаевтың 95 жылдық мерейтойына арналған «Әр - өлеңі – бір әлем» атты әдеби кеш өтті.
Шараның мақсаты - ұлы ақынның бай мұрасын насихаттай отырып, өскелең ұрпақты ақынның өлеңдері арқылы елжандылыққа шақыру. Әдеби кешке №189 орта мектептің оқушылары мен кент жанынан құрылған «Әл-Әзиз» оқу орталығының оқушылары қатысып, ақынның «Отан», «Үш бақытым», «Ана сен бақыттысың», «Қойшы ауылда», «Өз – өзіңді жақсы көр» атты өлеңдерін жатқа оқыса, «Ақ бата» әжелер ансамбілі «Есіңе мені алғайсың» әнін орындап көрермен ықыласына бөленді. Сонымен қатар шараға арнайы «Әр өлеңі - бір әлем» атты кітап көрмесі ұйымдастырылып, библиографиялық шолу жасалды. Кешті Белкөл кенті клубының әдіскері Шынар Біртайқызы қорытындылап, Мұқағали поэзиясының ұрпақтан – ұрпаққа жалғасатын өшпес мұра екенін атап өтті.
