Тұранның соңғы жолбарысы
№1 кітапханада Жалаңтөс баһадүр Сейітқұлұлының туғанына 450 жыл толуына орай «Тұранның соңғы жолбарысы» атты кітап көрмесі ұйымдастырылды.
Шараның мақсаты - қазақ халқының тарихында өшпес із қалдырған даңқты қолбасшы Жалаңтөс баһадүр жайлы жарық көрген әдебиеттерді насихаттау, жас ұрпақты елжандылыққа тәрбиелеу.
Шара барысында Тұранның тұғырлы тұлғасының өмірі мен ерлігін халқымыздың арғы-бергі тарихымен байланыстыра отырып жазған жазушы Б.Ұзақбаевтың «Жалаңтөс баһадүр», тарихшы Б.Ахметбектің «Сыр ескерткіштері», «Тарихи тұлғалар», «Қазақ тарихы», «Сыр елі», «Қазалы қазынасы: тарих тудырған тұлғалар» және т.б. кітаптар мен мерзімді басылым беттерінде жарық көрген танымдық мақалалар таныстырылып, оқуға ұсынылды.
