Кітап - ең қымбат сый
№6 кітапханада 14 ақпан - Халықаралық кітап сыйлау күніне орай «Кітап - ең қымбат сый» атты акция болып өтті. Аталған шараға Қызылорда жоғары көпсалалы колледжі 1-курс студенттері қатысты.
Мақсаты - кітап оқуды насихаттау, оқырмандарды рухани құндылықты қадірлеуге баулу және кітапхана қорын жаңа әдебиеттермен толықтыру.
Шара барысында К.Қаракөзов атындағы №235 мектеп кітапханашысы Айна Тілеубаева, кітапхананың тұрақты оқырмандары Бекзат Науанов және Айымкүл Қоспанова игі іске үлес қосты. Нәтижесінде кітапхана қоры жаңа басылымдармен толықты.
