Алып тұлғаның әдеби мұрасы
№9 кітапхана қазақ халқының ұлы ақыны, жырау айтыс өнерінің көрнекті өкілі Жамбыл Жабаевтың 180 жылдығына орай «Алып тұлғаның әдеби мұрасы» атты әдеби викторина өтті.
Шараның мақсаты - жас оқырмандарға Жамбыл Жабаевтың өмірі мен шығармашылығын таныстыру, ұлттық ауыз әдебиетін насихаттау, кітап оқуға деген қызығушылығын арттыру.
Жамбыл Жабаевтың шығармашылығы халық өмірімен тығыз байланысты. Әділдік, ел бірлігі, Отанға деген сүйіспеншілік тақырыптарын жырлаған.
Шара барысында оқушылар «Кім жылдам», «Ойлан тап», «Айтыс әлемі» кезеңдері бойынша сұрақтарға жауап беріп, ақын өлеңдерін мәнерлеп оқыды.
