Күй сарынмен өткен өмір
№7 кітапханада қазақтың ұлы күйші-композиторы, Құрманғазы дәстүрін жалғастырған дарынды шәкірті Дина Нұрпейсованың 165 жасқа толуына орай «Күй сарынмен өткен өмір» атты өнер сағаты болып өтті.
Мақсаты – қазақтың күй өнерін әлемге танытқан ұлы күйші, композитор Дина Нұрпейсованың өмірі мен шығармашылығын насихаттау, жас ұрпақтың ұлттық өнерге деген қызығушылығын арттыру, рухани құндылықтарды дәріптеу.
Іс-шара барысында оқушыларға күй анасының өмір жолы, шығармашылық мұрасы, Құрманғазы мектебінің жалғастырушысы ретіндегі орны туралы мәліметтер берілді. Динаның «Бұлбұл», «Байжұма», «Әсем қоңыр», «Науысқы» сынды күйлері туралы айтылып, олардың шығу тарихы таныстырылды.
