Шахмат ойыны
№19 кітапханада әлемдік деңгейде кең таралған зияткерлік спорт түрі «Шахмат ойыны» атты танымдық ойын болып өтті.
Шараның мақсаты - шахмат ойынының шығу тарихы мен фигуралардың атауларын, олардың жүру тәртібін білу. Шахмат ойнау арқылы оқушылар бойында стратегиялық жоспарды тактикалық тәсілдермен дамытудың тиімділігін арттыру.
Шара барысында үйірме оқушыларына көп ғасырлық тарихы бар шахматтың пайда болуы туралы мәлімет беріліп, Еуропаға кеңінен таралып, қазіргі заманғы ережелері XV ғасырда қалыптасқаны түсіндірілді. Сонымен қатар шахматтың ғасырлар бойы адамзаттың ой-санасын дамытуға үлес қосқан зияткерлік ойын екендігі айтылды. Іс-шара соңында оқушылар арасында шағын тәжірибелік ойын ұйымдастырылып, жеңімпаздар алғыс хаттар мен сыйлықтарға ие болды.
