Алаш барда – айтыс өлмейді
№12 кітапханада «Қызылорда Оқушылар Сарайы» оқушыларының қатысуымен айтыс өнерінің көрнекті өкілі, ақын Жүрсін Ерманның 75 жасқа толуына орай «Алаш барда – айтыс өлмейді» атты жыр кеші болып өтті.
Мақсаты – мерейтой иесінің қазақ руханиятына, ұлттық айтыс өнерінің дамуына қосқан өлшеусіз үлесін насихаттау, жас ұрпаққа өнеге ету.
Шара барысында қазақ айтысының қайта жаңғырып, кең қанат жаюына зор еңбек сіңірген ақынның өмір жолы мен шығармашылығы туралы мазмұнды баяндама жасалды. Арнау өлеңдер оқылып, жыр-толғаулар орындалды. Айтыс өнерінің өткені мен бүгіні жайлы тағылымды пікірлер айтылды.
