Қазақ тарихындағы әйелдер
№11 кітапханада 8 наурыз Халықаралық әйелдер күні мерекесіне орай «Қазақ тарихындағы әйелдер» атты таным сағаты №215 мектептің 7 сынып оқушылары және мектеп кітапханашысы Г.Малкенованың қатысуымен болып өтті.
Қазақ тарихындағы әйелдер - елдің саяси, әлеуметтік, мәдени және рухани өмірінде маңызды рөл атқарған тарихи тұлғалар мен қарапайым аналардың символы.
Шара барысында қазақ қоғамында әйел тек ана ғана емес, ел басқарған, батырлық танытқан дана тұлға тарихта аты қалған әйгілі әйелдер туралы мәлімет ұсынылды. «Қазақ тарихындағы қандай әйел тұлғаларды білесіңдер?», «Әйелдердің қоғамдағы рөлі қандай?» сұрақтары қойылып, оқушылардың ой-пікірлері тыңдалды. «Қазақ тарихындағы әйелдер» тақырыбындағы кітап көрмесі таныстырылды.
