Ұлттық ойын рухани құндылығымыз
№20 кітапхана 16 наурыз - Мәдениет және ұлттық салт-дәстүр күніне орай «Ұлттық ойын рухани құндылығымыз» атты спорттық сайыс ұйымдастырды. Сайысқа «Арай» бастауыш мектебі және «Абай» атындағы дарынды балаларға арналған мектептің 4 сынып оқушылары қатысты.
Шараның мақсаты - өскелең ұрпаққа ұлттық ойындар арқылы өз ұлтының әдет- ғұрпына, салт-дәстүріне деген қызығушылығын оятып, төл ойындар арқылы білім денгейін көтеру.
Сайыс бес кезеңнен тұрады. Асық ату, хан талапай, қол күрес, арқан тарту, бес тас ойындары арасында балалардың ептілігі мен шапшаңдығы байқалды. Ұлттық ойындарымыз баланың ой санасын дамытып қана қоймай, ұлттық рухты, адамгершілік пен жауапкершілікті бойына сіңіреді.
