«Наурыз – пейіл, береке, Наурыз – мейір, мереке»
Наурыз мерекесі қарсаңында №2 балалар кітапханасы Абылайхан атындағы №140 орта мектептің кітапханасымен бірлесіп «Наурыз – пейіл, береке, Наурыз – мейір, мереке» атты мерекелік іс-шара ұйымдастырды. Шараға 4 «Г» сынып оқушылары мен сынып жетекшісі Нақыпова Айгерім қатысты.
Іс-шара барысында Наурыз мерекесінің шығу тарихы, сондай-ақ ата-бабаларымыздың салт-дәстүрлері кеңінен насихатталды. Оқушылар Наурызға арналған өлеңдер оқып, домбырамен күй орындап, ән шырқап, хор айтты. Сонымен қатар, балалардың сүйікті ұлттық ойыны – асық ойыны ойналып, мерекелік шараның көркін қыздыра түсті.
