Ер қанаты - ат
№ 16 кітапхана № 136 мектеп-лицейге қарасты «Бөбек» жазғы тынығу лагері оқушылары қатысуымен «Ер қанаты - ат» атты таным сағатын өткізіп. ұлтымыздың ұлылығын танытудың бір қыры – атқа міну мәдениетінің қалыптасу тарихынан жас оқырмандарға ақпараттар берді. Жеті қазынаның бірі саналып, киелі деп есептелген жылқы малының адамзат өміріндегі маңыздылығы мен ерекше қасиеттері жайлы қызықты деректер, мақал-мәтелдер айтылып, балалар «Жылқы мен бұғы» ертегісін дауыстап оқыды. Сонымен қатар жас оқырмандар кітапханадағы қызықты ертегілер мен әдеби кітаптарды оқып, кітапханаға оқырман ретінде тіркелді.
