«Еркем, өмірің болсын көркем»
№4 кітапханада жаңа әдебиеттерді насихаттау және оқырмандардың заманауи кітаптарға деген қызығушылығын арттыру мақсатында М.Тазабектің «Еркем, өмірің болсын көркем» атты кітабына арналған инновациялық кітап таныстырылымы өтті.
Іс-шара жасанды интеллект мүмкіндіктерін пайдалана отырып, жаңа форматта ұйымдастырылды. Кітапта қыз бала тәрбиесінің нәзік қырлары, әйел затының қоғамдағы орны, имандылық пен инабаттылықтың мәні жан-жақты қарастырылады. Автор әрбір қыздың өмірі көркем, мінезі көрікті, жүрегі мейірімді болуын насихаттайды.
Ұрпақ тәрбиесі – ұлт болашағы. Ал ұлттың болашағы – тәрбиелі қыздың қолында. Сондықтан бұл кітап әр шаңырақтың рухани қазынасына айналары сөзсіз.
