«Кітап – рухани қазына»
№11 кітапханада №215 мектептің 6 сынып оқушыларының қатысуымен 2 сәуір – Халықаралық балалар кітабы күні аясында «Кітап – рухани қазына» атты әдеби сайыс болып өтті.
Шараның мақсаты – балалар әдебиетін насихаттау, кітап оқу мәдениетін қалыптастыру.
Шараға №215 мектептің тәрбие ісі жөніндегі орынбасары Әсия Қалдыбаева және әдебиет пәнінің мұғалімі Индира Балымбетова қатысты.
Әдеби сайыс «Білімпаздар» және «Зерделі» командалары арасында өтті. Сайыс үш кезеңнен тұрды: берілген шығарманы жалғастыру, шығарманы өз ойымен жазбаша толықтыру және жедел сұрақтарға жауап беру. Оқушылар өз білім деңгейлерін жоғары деңгейде көрсетті.
Сайыс тартымты әрі қызықты өтті. Нәтижесінде «Білімпаздар» командасы жеңіске жетті.
