«Аспанға алыс жол салған»
№8 кітапхана №268 мектеп-лицей оқушыларының қатысуымен 12 сәуір – Ғарышкерлер күні аясында және қазақтың тұңғыш ғарышкері Тоқтар Әубәкіровтің 80 жылдығына орай «Аспанға алыс жол салған» атты ауызша журнал өткізді.
Шараның мақсаты – оқушыларға ғарыш әлемі туралы мағлұмат беру, қазақстандық ғарышкерлердің ерлігін насихаттау және олардың ғылымға қосқан үлесін таныстыру.
Шара барысында ғарышкерлер туралы бейнероликтер көрсетіліп, тақырыпқа сай кітап көрмесі таныстырылды. Оқушылар белсенділік танытып, сұрақтарға жауап беріп, өз ойларымен бөлісті. Сонымен қатар, ғарыш тақырыбына қатысты қызықты деректер айтылып, танымдық мәліметтер ұсынылды.
