Жұлдыздарға жол ашқан қазақ
№5 кітапханада 12 сәуір – Ғарышкерлер күні аясында және қазақтың тұңғыш ғарышкері Тоқтар Әубәкіровтің 80 жылдығына орай «Жұлдыздарға жол ашқан қазақ» атты библиографиялық шолу өткізілді.
Іс-шараның мақсаты – оқырмандарға Тоқтар Әубәкіровтің ерлігі мен жетістіктерін насихаттау, жас ұрпақты отансүйгіштікке, білімге және биік мақсаттарға ұмтылуға тәрбиелеу.
Шара барысында ғарышкердің өмірбаяны, ғарышқа ұшу тарихы және ел үшін атқарған еңбегі кеңінен таныстырылды. Ұсынылған әдебиеттер арқылы оқырмандардың танымдық қызығушылығы артып, ғарыш саласына деген ынтасы оянды.
