Туған тұғырдан ғарышқа
№18 кітапханада 12 сәуір – Ғарышкерлер күніне орай, Тоқтар Әубәкіровтің 80 жыл мерейтой аясында «Туған тұғырдан ғарышқа» атты ақпараттық сағат болып өтті. Шара №197 мектептің 5 «В» сынып оқушылары және мұғалімдері Айгерім Шағарова мен Әсел Қасымованың қатысуымен өтті.
Шараның мақсаты – Қазақстанның тұңғыш ғарышкері Тоқтар Әубәкіровтің өнегелі өмір жолы мен ерлігін насихаттау. Сонымен қатар, оның Қазақстандағы ғарыштық зерттеулердің негізін қалауға, Қарулы Күштердің әскери даярлығын жетілдіруге және әскери-патриоттық тәрбие жұмыстарын дамытуға қосқан үлесін таныстыру.
Іс-шара барысында оқушылардың ғарыш әлемі туралы түсінігі кеңейіп, уақыт пен кеңістік, қоршаған орта құбылыстарына қызығушылығы артты. Сондай-ақ, арманына жеткен тұлға ретінде Тоқтар Әубәкіровтің өмірі үлгі етіліп, оқушылардың жүрегінде отансүйгіштік, құрмет және ғылым мен білімге деген қызығушылық сезімдері қалыптасты.
