«Ыбырай Алтынсарин – балалар әдебиетінің атасы»
№18 кітапханада қазақтың ұлы педагог-ағартушысы Ыбырай Алтынсариннің туғанына 185 жыл толуына орай №197 мектептің 3 «Б» сынып оқушылары және жетекші мұғалімі Г.Ысқақованың қатысуымен «Ыбырай Алтынсарин – балалар әдебиетінің атасы» атты тәрбие сағаты өткізілді.
Шараның мақсаты - оқушыларға қазақтың ұлы педагог-ағартушысы, жазушы Ыбырай Алтынсариннің өмірі мен шығармаларын таныстыра отырып, оның өшпес көркем мұрасын, өлең-жырларын жас ұрпаққа насихаттау. Рухани бай, адамгершілігі жоғары, ұстамы мықты, өз ұлтының асыл қазынасынан сусындай білетін, елінің нағыз ұл-қызын тәрбиелеу.
Шара барысында кітапхана оқырмандары Б.Ерназар, К.Жеңіс, А.Ережеп, А.Мұхамбетжан, К.Ербол, Ә.Бижан, Н.Бижан Ыбырай Алтынсариннің өлеңдерін жатқа оқыды. Сонымен қатар жазушының кітаптары оқуға ұсынылды.
