«Еңбекпен өткен ұлы өмір»
№17 кітапханада «Шабыт» көркем сөз оқу үйірмесі оқушыларының қатысуымен дала академигі, екі мәрте Социалистік Еңбек Ері, ақ күріштің атасы Ыбырай Жақаевтың 135 жылдығына орай «Еңбекпен өткен ұлы өмір» атты ауызша журнал өтті.
Шараның мақсаты – Ыбырай Жақаевтың өнегелі өмір жолы мен ерен еңбегін жас ұрпаққа насихаттау, адалдыққа, еңбексүйгіштікке және елжандылыққа тәрбиелеу.
Шара барысында оқырмандар аты аңызға айналған диқанның өмірі, еңбек жолы және әлемдік рекорд жасаған тұңғыш қазақ күрішшісі ретіндегі жетістіктерімен танысты. Сонымен қатар арнайы ұйымдастырылған кітап көрмесінде Ыбырай Жақаев туралы құнды әдебиеттер ұсынылды.
Шараға тұрақты оқырман Исаева Айгерім Серікқызы қатысып, жастармен ой бөлісті.
