«Қызмет көрсету және сервис»
№16 кітапхана қазақтың халық жазушысы Қабдеш Жұмаділовтың 90 жылдығына орай «Ерен қуатты қалам иесі» атты әдеби портрет кеші өткізілді. Шараға «Қызмет көрсету және сервис» колледжінің студенттері мен оқытушылары қатысты.
Шара барысында жазушының өмір жолы мен шығармашылығы туралы бейнеролик көрсетіліп, жан-жақты мәліметтер берілді. Сонымен қатар кітапхана қорындағы «Тағдыр», «Прометей алауы», «Қаздар қайтып барады», «Аққуды атпас болар», «Қабанбай батыр» кітаптары таныстырылды.
Тарих пәнінің оқытушысы Фарида Нұрымбетова «Соңғы көш» шығармасы жайлы ой бөлісті.
Шараның мақсаты – оқырмандарға Қабдеш Жұмаділовтың өмірі мен шығармашылығын таныстыру, кітап оқуға қызығушылықты арттыру.
