«Адасқан бала»
А.С.Пушкин атындағы орталық кітапхана Ж.Нұрманов атындағы №198 орта мектептің 5 сынып оқушылары арасында жазушы Қабдеш Жұмаділовтың «Адасқан бала» әңгімесі бойынша әдеби талдау өтті.
Шара барысында оқушылар шығарма мазмұнымен танысып, басты кейіпкерлердің іс-әрекеттеріне өз көзқарастарын білдірді. Сонымен қатар әңгіменің тәрбиелік мәні, адамгершілік қасиеттері мен тағылымдық тұстары кеңінен талқыланды.
Құдайберген Азия, Айдосұлы Даниал және Елубай Дінмұхаммед белсенділік танытып, сұрақтарға жауап берсе, Нұрсұлтанқызы Айша мен Сансызбай Сағынай өз ойларын еркін жеткізді.
Шараның мақсаты – оқушылардың кітап оқуға қызығушылығын арттыру, көркем әдебиетті түсініп оқу дағдыларын дамыту және рухани құндылықтарды насихаттау.
