Өлеңмен өрілген өмір
№18 кітапханада «Өлеңмен өрілген өмір» атты библиографиялық шолу жасалып, Халықаралық «Алаш» сыйлығының лауреаты, «Парасат» орденінің иегері, ақын Ханбибі Есенқарақының шығармалары жас оқырмандарға насихатталды. Ақынның «Фолиант» баспасынан жарық көрген таңдамалы он томдығынан лирикаға толы, нәзік те астарлы ойымен өрілген жырларымен қоса, прозалық еңбектері, эссе жанрындағы жазбалары, сонымен қатар Алматы «ҚАЗақпарат» баспасынан шыққан Алаш қайраткерлерінің қаламгерлік мұрасын жинақтау, оны көпке жария ету жолындағы 10 томдық «Ақ жол» еңбектері таныстырылды.
