«Отбасы – ұлағат ұясы»
№7 кітапханада 15 мамыр – Халықаралық отбасы күніне орай «Отбасы – ұлағат ұясы» атты поэзия кеші болып өтті.
Шараның мақсаты – отбасы құндылықтарын дәріптеу, ата-анаға деген құрметті арттыру, сондай-ақ жас ұрпақтың бойына ұлттық тәрбие мен адамгершілік қасиеттерді қалыптастыру.
Шара барысында Тәжімбетова Ақтолқын апай жетекшілік еткен 4 «А» сынып оқушылары қатысып, өз өнерлерін ортаға салды. Жас оқырмандар отбасы тақырыбындағы өлеңдерді мәнерлеп оқып, ән шырқап, би биледі. Сонымен қатар отбасы, ата-ана, туған жер туралы мақал-мәтелдер айтылып, тағылымды ойлар мен ұлағатты сөздер насихатталды.
«Отбасы – ұлағат ұясы» атты бұл рухани кеш көрермен көңілінен шығып, тәрбиелік мәні зор, әсерлі кездесу болды.
