«Сезім патшалығының патшайымы»
№4 кітапхана С.Лапин атындағы №261 мектеп оқушыларының қатысуымен жазушы Шәрбану Құмарованың туғанына 90 жыл толуына орай «Сезім патшалығының патшайымы» атты әдеби сағатын өткізді.
Іс-шара барысында қаламгердің өмір жолы, шығармашылығы және қазақ әдебиетіне қосқан үлесі туралы кеңінен мағлұмат берілді. Сонымен қатар жазушының шығармаларынан үзінділер оқылып, нәзік сезімге, адамгершілікке, махаббат пен өмір шындығына құрылған туындылары оқырмандарға таныстырылды.
Шараның мақсаты – қазақ әдебиетінде өзіндік қолтаңбасы бар көрнекті жазушы Шәрбану Құмарованың өмірі мен шығармашылығын насихаттау, оқырмандарды сыршыл туындыларымен таныстыру, кітап оқуға деген қызығушылықтарын арттыру.
