«Отбасы – бақыт мекені»
№3 кітапханада 15 мамыр – Халықаралық отбасы күніне орай «Отбасы – бақыт мекені» атты кездесу кеші өтті. Шараға Ә.Молдағұлова атындағы №173 мектептің 9 сынып оқушылары қатысты.
Шараның мақсаты – отбасы құндылықтарын насихаттап, ата-ана мен бала арасындағы сыйластықты, ұлттық тәрбие мен отбасы бірлігінің маңызын дәріптеу.
Кеш қонақтары – республикалық ақындар айтысының жүлдегері, әнші-термеші, айтыс ақыны Жұмабай Әбілғазыұлы Шерниязов пен республикалық хор конкурстарының лауреаты, №31 «Алтын кілт» бала-бақшасының музыка жетекшісі Дина Балғабекқызы Шерниязова отбасы тәрбиесі, сыйластық пен өнердің тәрбиелік мәні туралы тағылымды ойларымен бөлісті.
Шара барысында кітап көрмесі ұйымдастырылып, отбасы тақырыбындағы әндер шырқалып, өлеңдер оқылды.
