«Тәрбие отбасынан басталады»
№12 кітапханада «Орда» жоғары колледжінің Бб-9/14 Г тобы студенттерінің қатысуымен 15 мамыр – Халықаралық отбасы күніне орай «Тәрбие отбасынан басталады» атты ауызша журнал өткізілді.
Іс-шараның мақсаты – отбасы құндылықтарын насихаттау, жастарға отбасының қоғамдағы маңызын түсіндіру және ұлттық тәрбиені дәріптеу.
Шара барысында отбасының адам өміріндегі орны, бала тәрбиесіндегі маңызы, шаңырақтың бірлігі мен берекесі туралы тағылымды ойлар ортаға салынды. Халықаралық отбасы күні туралы мәлімет беріліп, отбасының адам өміріндегі орны мен тәрбиелік маңызы айтылды. Студенттер отбасы құндылықтары туралы пікір алмасып, өз ойларымен бөлісті.
