«Тарихтың ақтаңдақ беттері»
31 мамыр – қазақ халқының тарихындағы ең қасіретті кезеңдерді еске алатын маңызды күн. Осыған орай №3 кітапханада ұйымдастырылған «Тарихтың ақтаңдақ беттері» атты танымдық сағат Ә.Молдағұлова атындағы №173 мектептің оқушыларымен өткізілді.
Шараның мақсаты – жас ұрпаққа саяси қуғын-сүргін мен ашаршылық жылдарының зардаптарын түсіндіру, тарихи шындықты насихаттау және өткенге тағзым етуге тәрбиелеу.
Іс-шара барысында «Өткенге тағзым-болашаққа аманат» атты кітап көрмесі ұйымдастырылды. ХХ ғасырдың 30-жылдарындағы ашаршылық пен саяси қуғын-сүргін кезеңдері туралы мәліметтер берілді. Қазақ зиялыларының тағдыры, елге тигізген ауыр зардаптары туралы айтылды.
