«Жүрекке жылылық сыйла»
1 маусым – Халықаралық балаларды қорғау күніне орай №4 кітапхана «Жүрекке жылылық сыйла» атты қайырымдылық акциясын өткізді.
Шараның мақсаты – бүлдіршіндерге мерекелік көңіл-күй сыйлап, қоғамдағы жанашырлық, қамқорлық пен адамгершілік құндылықтарын насихаттау.
Шара барысында айтылған ақжарма тілектер мен жылы лебіздер балалардың жүздеріне шаттық сыйлап, олардың мерекелік қуанышын еселей түсті. Ізгілік пен мейірімге негізделген шара аясында Елмұратовтар отбасына қайырымдылық көмек көрсетіліп, балаларға тәтті сыйлықтар мен күнделікті тұрмысқа қажетті заттар табысталды.
Жақсылық жасаудан жалықпайық, себебі әрбір игі іс – бір жүрекке қуаныш, бір отбасыға үміт сыйлайды.
