«Балалармыз – баламыз, Жұлдыздай боп жанамыз»
№2 Балалар кітапханасы «Жайна Құлыншақ» балабақшасымен бірлесіп, «Балалармыз – баламыз, Жұлдыздай боп жанамыз» атты мерекелік шара өтті.
Іс-шараның мақсаты – бүлдіршіндердің кітап оқуға деген қызығушылығын арттыру, олардың шығармашылық қабілеттерін дамыту, өнерге баулу және рухани-адамгершілік тәрбие беру болды.
Шара аясында балалар әдебиеті мен ертегілер әлемін насихаттайтын кітап көрмесі таныстырылып, бүлдіршіндер кітапхана қорындағы қызықты кітаптармен танысты. Кітаптың адам өміріндегі маңызы туралы әңгіме жүргізіліп, балалар кітап оқуға шақырылды. Мерекелік шара барысында балабақша тәрбиеленушілері ән шырқап, би билеп, тақпақтар оқып, өз өнерлерін ортаға салды.
