«Табиғат – туған анамыз»
5 маусым – Бүкіләлемдік қоршаған ортаны қорғау күніне орай №18 кітапхана №197 мектептің 3 «Б» сынып оқушылары мен сынып жетекшісі Г.Ысқақованың қатысуымен «Табиғат – туған анамыз» атты экологиялық сағат өтті.
Шара барысында оқушылар табиғатты аялау мен қоршаған ортаны қорғаудың маңызы туралы мағлұмат алып, құстар, жан-жануарлар, өзен-көлдер мен жер байлығы жайында ой бөлісті. Сонымен қатар «Экософия немесе киелі табиғат» тақырыбындағы басқа да кітаптар таныстырылып, оқуға ұсынылды.
Іс-шараның басты мақсаты – жас ұрпақтың табиғатқа деген сүйіспеншілігін арттырып, қоршаған ортаға жауапкершілікпен қарауға тәрбиелеу. Табиғатты қорғау – болашақты қорғау!
