«Туған өлке табиғатын қорғайық»
5 маусым – Бүкіләлемдік қоршаған ортаны қорғау күніне орай №13 балалар кітапханасында «Жазғы кітап» бағдарламасы аясында «Туған өлке табиғатын қорғайық» атты танымдық сағат болып өтті. Шараға Ә.Тыныбаев атындағы №11 мектеп-лицейінің 9 сынып оқушылары қатысты.
Шара барысында табиғаттың адам өміріндегі маңызы, қоршаған ортаны қорғау және табиғи байлықтарды келер ұрпаққа аман жеткізудің қажеттілігі туралы әңгіме өрбіді. Оқушылар табиғат тақырыбындағы мақал-мәтелдер, жұмбақтар мен жаңылтпаштарды айтып, сұрақтарға жауап беріп, өз ой-пікірлерімен бөлісті.
Іс-шара аясында ұйымдастырылған «Табиғатты аялай білейік» атты кітап көрмесінде табиғатқа қатысты анықтамалықтар, энциклопедиялар мен танымдық әдебиеттер таныстырылып, оқырмандар назарына ұсынылды.
