«Туған өлкем – қандай көркем»
№11 кітапхана оқушылардың жазғы демалысын тиімді ұйымдастыру мақсатында №215 мектептің коворкинг орталығында «Туған өлкем – қандай көркем» атты сурет салу ұйымдастырды. Аталған шараға №215 мектеп жанынан құрылған «Балдәурен» лагерь кешенінің демалушылары мен тәрбиеші Балнұр Қалжанова қатысты.
Шараның мақсаты – жас оқырмандардың шығармашылық қабілетін дамыту, ой-өрісі мен эстетикалық талғамын қалыптастыру, бейнелеу өнеріне деген қызығушылығын арттыру, өз ойын сурет арқылы еркін жеткізуге үйрету, ұқыптылық пен әсемдікке баулу, сондай-ақ туған жер мен табиғатқа деген сүйіспеншілігін нығайту.
Іс-шара барысында қатысушылар өз қиялындағы туған өлкенің табиғатын, өсімдіктері мен жануарларын қағаз бетіне бейнеледі. Шара жас суретшілердің шығармашылық ізденістерін қолдап, туған өлкенің көркемдігін дәріптеуге бағытталды.
