«Табиғатты аяла – болашақты сақта»
№9 кітапханада табиғатты қорғау және экологиялық мәдениетті қалыптастыру мақсатында «Табиғатты аяла – болашақты сақта» атты дөңгелек үстел өтті.
Шара барысында қатысушылар қоршаған ортаны қорғау, табиғи ресурстарды тиімді пайдалану және экологиялық мәселелердің алдын алу жолдары туралы ой бөлісті. Табиғатқа жанашырлық таныту, ағаш отырғызу, су мен энергияны үнемдеу, туған өлкенің тазалығын сақтау мәселелері кеңінен талқыланды. Табиғатты қорғау – әрбір азаматтың ортақ міндеті екені атап өтіліп, жастардың экологиялық жауапкершілігін арттырудың маңызына ерекше назар аударылды.
