«Адамның денсаулығы – қоғам байлығы»
№2 балалар кітапханасында «Адамның денсаулығы – қоғам байлығы» атты денсаулық сағаты өтті.
Іс-шараның мақсаты – жас оқырмандарға денсаулықтың адам өміріндегі маңызын түсіндіру, салауатты өмір салтын насихаттау, дұрыс тамақтану, жеке бас гигиенасын сақтау және спортпен шұғылдануға баулу.
Шара барысында денсаулықтың адам үшін ең қымбат қазына екендігі айтылып, денсаулықты нығайтудың жолдары жөнінде ақпарат берілді. Оқырмандар денсаулыққа байланысты мақал-мәтелдер айтып, сұрақ-жауаптарға белсенді қатысты. Іс-шара соңында оқырмандар денсаулықты сақтау әр адамның өз қолында екенін, салауатты өмір салтын ұстанудың маңыздылығы туралы өз ойларымен бөлісті.
