«Шебер қолдар сыры»
№17 кітапханада «Адал Адам» мәдени-тәрбие орталығының «Әлем-BOOK» бағыты аясында «Бисер» үйірмесінің қатысушыларымен «Шебер қолдар сыры» атты шеберлік сабағы болып өтті.
Шараның мақсаты – қатысушылардың шығармашылық қабілетін дамытып, қолөнерге деген қызығушылығын арттыру, бисермен жұмыс жасау дағдыларын жетілдіру және кітапханаға оқырман тарту.
Шеберлік сабағында үйірме жетекшісі Абдуллаева Қарлығаш Жарқынбекқызы ұлттық киімдерді бисермен безендірудің қыр-сырын таныстырып, түстер үйлесімін сақтау мен сәндік бұйымдар жасаудың әдіс-тәсілдерін көрсетті. Қатысушылар өз қолдарымен әсем бұйымдар жасап, шығармашылықтарын шыңдады. Іс-шара қызықты әрі танымдық деңгейде өтіп, қатысушыларға көтеріңкі көңіл-күй сыйлады.
