«Таза әлемге саяхат»
№5 кітапханада «Таза әлемге саяхат» атты эко-сағат болып өтті.
Шараның мақсаты – жас ұрпақтың табиғатқа деген сүйіспеншілігін арттыру, қоршаған ортаны қорғау мәдениетін қалыптастыру және экологиялық білімдерін кеңейту.
Іс-шара барысында қатысушылар табиғатты қорғау, қоршаған ортаны ластамау, су мен энергияны үнемдеу туралы пайдалы ақпараттармен танысты. Экологиялық викторинаға белсене қатысып, табиғатқа қатысты сұрақтарға жауап берді.
Сонымен қатар балалар табиғатты қорғау – әрбір азаматтың ортақ міндеті екендігі жөнінде өз пікірлерін білдірді. Танымдық әрі тәрбиелік мәні зор эко-сағат қатысушылардың қызығушылығын арттырып, экологиялық мәдениетін қалыптастыруға ықпал етті.
