«Ата Заң – елдің айбыны, еркіндігі, байлығы»
№13 балалар кітапханасында Қазақстан Республикасының жаңа Конституциясына арналған «Ата Заң – елдің айбыны, еркіндігі, байлығы» атты библиографиялық шолу болып өтті. Шараға Тасбөгет кентіндегі Ә.Тыныбаев атындағы №11 мектеп-лицейінің оқушылары қатысты.
Іс-шара барысында Қазақстан Республикасының жаңа Конституциясының егемендік пен тәуелсіздікті нығайтудағы, адам құқықтары мен бостандықтарын қорғаудағы, қоғамдық келісім мен бірлікті сақтаудағы, сондай-ақ халықтың әл-ауқатын арттырудағы маңызы жан-жақты түсіндірілді.
Шара соңында оқушылар Мемлекеттік Әнұранды ерекше рухпен орындап, Тәуелсіз Қазақстанның құқықтық жетістіктерін айқындайтын Ата Заң тақырыбындағы құқықтық әдебиеттермен және мерзімді басылымдарда жарияланған танымдық материалдармен танысты.
Шараның мақсаты – жас оқырмандарды Қазақстан Республикасы Конституциясына енгізілген өзгерістер мен толықтырулардың мәні мен маңызымен таныстыру, құқықтық сауаттылықтарын арттыру, заңға құрметпен қарауға және азаматтық жауапкершілікті сезінуге тәрбиелеу.
