«Кітап құрттары» клубы
«Кітап оқитын ұлт» жобасы аясында №6 кітапхананың ұйымдастыруымен «Кітап құрттары» клубының жастарының қатысуымен кезекті кітап талқылауы өтті. Басқосу барысында Қазақстан Республикасы Президенті ұсынған жеті кітаптың бірі – көрнекті жазушы Дулат Исабековтің «Қарғын» романы кеңінен талқыланды. Қатысушылар шығармадағы адамгершілік құндылықтар, махаббат, өмірлік таңдау, ұлттық болмыс пен қоғам мәселелері жөнінде өз пікірлерімен бөлісіп, романның көркемдік ерекшеліктеріне тоқталды. Кездесудің мақсаты – жастардың кітап оқуға қызығушылығын арттыру, көркем әдебиетті насихаттау және оқырмандық мәдениетті қалыптастыру.
