Спорт – ел еңсесі, мемлекет мерейі
№3 кітапхана «Батыр» спорт үйірмесінің қатысушылары арасында «Спорт – ел еңсесі, мемлекет мерейі» атты спорттық ойындар ұйымдастырды.
Шараның мақсаты – өскелең ұрпақ арасында салауатты өмір салтын қалыптастыру, ұлттық ойындарға деген қызығушылықты арттыру және бос уақытты тиімді ұйымдастыру.
Жарыс барысында жас спортшылар ұлттық ойындардан өзара бақ сынасып, ептілік пен шапшаңдығын, күш-жігері мен ұйымшылдығын көрсетті. Әр кезеңде белсенділік танытқан қатысушылар спортқа деген ынталарын арттырып, ұлттық ойындардың тәрбиелік мәнін тереңірек сезінді.
Спорт – денсаулық кепілі ғана емес, жігер мен рухты шыңдайтын, достық пен бірлікті нығайтатын ұлы күш. Жастардың спортқа қызығушылығын арттыру – ел болашағының жарқын кепілі!
