Тұңғыш қазақ ғарышкері
№14 кітапхана қазақтың тұңғыш ғарышкері, Кеңес Одағының Батыры, Тоқтар Әубәкіровтің 80 жылдығына орай «Тұңғыш қазақ ғарышкері» атты библиографиялық шолу ұйымдастырды.
Шараның мақсаты — жас ұрпақты ұлы тұлғаның өнегелі өмірімен таныстыру, алға қойған мақсатқа табандылықпен ұмтылуға, қиындыққа мойымай еңбек етуге баулу. Сонымен қатар жастардың білімге деген қызығушылығын арттырып, Отанды сүюге, ел болашағы үшін қызмет етуге тәрбиелеу.
Шара барысында оқырмандарға ғарышкердің өмірі мен еңбек жолы, ел тарихындағы елеулі жетістіктері туралы сыр шертетін әдебиеттер таныстырылды. Шараға №189 мектептің оқушылары мен кітапхана оқырмандары белсене қатысты.
