Балалар кітап әлемінде
№ 18 кітапханада 1 қыркүйек - Білім күні мерекесіне орай «Балалар кітап әлемінде» атты ашық есік күні болып өтті. Аталған шараға №197 мектеп 2 сынып оқушылары мен мұғалімі Г.Зейнелова қатысты.
Шараның мақсаты – 1 қыркүйек - Білім күні мерекесімен құттықтай отырып рухани жан дүниемізді, білімімізді молайтып үлгі-өнеге беретін ақылшы дос, білім көзі, рухани қазына кітап әлеміне шолу жасау, кітап әлемі арман биігіне самғатып, ақыл, ой, сұлулық әлемін шарлатып, білім-ғылым жолына жетелейтін ғажайып дүние екенін ұғындыру.
Шара барысында кітаптың адам өміріндегі маңызы, кітапхананың атқаратын рөлі туралы кеңінен мағлұмат беріліп, оқушыларды көркем әдебиет оқуға баулу, кітапқа деген қызығушылығын арттыру бағытында танымдық жұмыстар жүргізілді.
