«Мейірімділік жүрек жұмсартар»
№9 кітапхана «Мейірімділік жүрек жұмсартар» атты қайырымдылық акция ұйымдастырды.
Кітап – көңілге медет, жанға рухани азық сыйлайтын асыл қазына. Осы құндылықты оқырман жүрегіне жақындату мақсатында кітапхана қызметкері тұрақты оқырман Манат Бегімнің шаңырағына арнайы барып, оның талғамы мен қызығушылығына сай көркем әдебиеттерді жеткізіп берді. Кітаптың әр парағы оқырманға жаңа ой, сырлы сезім мен рухани әсер сыйлары сөзсіз.
Кітапхана мен оқырман арасындағы осындай рухани байланысты жалғайтын игі шаралар алдағы уақытта да өз жалғасын табады.
