«Қазақтың хас ақыны»
№16 кітапхана Қасым Аманжоловтың 115 жылдығына орай «Қазақтың хас ақыны» атты поэзия сағатын өтті. Шараға Т.Жүргенов атындағы № 136 мектеп-лицейдің оқушылары, ұстаздары, кітапханашылары қатысты.
Шара барысында қазақ поэзиясының асқар шыңы, сыршыл да жалынды ақын Қасым Аманжоловтың өмір жолы туралы бейнеролик көрсетіліп, қазақ тілі және әдебиет пәнінің мұғалімі Қ.Сұлтанмахмудова ақынның шығармашылығы жайлы кеңінен баяндады. Кітапхана оқырмандары ақынның туған жер, майдан туралы өлеңдерін жатқа, мәнерлеп оқыды. Шара соңында Қ.Аманжоловтың кітапхана қорындағы шығармалары таныстырылды.
